近年住宅市場...細價樓跑贏豪宅，主打上車盤的小屋苑、單幢樓，跑贏主打大單位的藍籌屋苑，令財富轉移，小業主有機會發圍，尤其是早幾年齊齊買樓的投資兵團戰友個個賺到笑，大步向上流。近日商舖市場都有異動...報導稱一線商舖減租求客，二、三線舖位會唔會追上嚟呢？...
近年自由行泛濫，一線舖位被人民幣攻陷！
尖沙咀、銅鑼灣、旺角等自由行重鎮，都是金飾、化妝品、電器連鎖店及藥房的天下，然而今年旅客人數、消費額開始減少，中港市民的矛盾日深、佔領行動等都是原因，當中一簽多行政策更可圈可點！
點解政府鑊鑊都係好心做壞事，政策出台仲衰過以前！
SSD 同辣招最經典，以為打擊可以炒風遏抑樓價，點知冇咗炒家升得仲顛。一簽多行以為可以方便旅客，點知令到大量旅客唔過夜。好似筆者老家的親戚，每年都會來港 一、兩次，每次都會住幾天，除了購物還會順道到不同景點遊覽，一場嚟到唔好嘥嘛，而家唔同晒，食完飯、買完嘢就走，反正日日都可以嚟...
二、三線舖位不斷闖高！
沒想到吧！一簽多行令遊客減少，反而多咗好多水貨客！
做 水貨最緊要效率，原本銅鑼灣先買到的化妝品、金飾、奶粉...如果上水有得賣，大家都係周大福、莎莎、屈臣氏，唔怕有假貨，俾着你仲會唔會山長水遠去銅鑼 灣？未拎過咩？！於是上水、元朗、屯門等當年被定位為偏遠的地區，人流滿瀉，大可連鎖店強勢進駐，舖位租金、售價都不斷闖高。
民生區舖位穩步上揚！覺得二、三線自由行區炒得太貴？可以留意本地市場！
商 業核心區主要針對遊客，受政策、外圍因素影響比較大，民生區以本土消費為主，只要區內有新的建設，例如基建、鐵路、新樓盤、新酒店等等，商舖價值就會穩步 上升。以投資兵團主場港島西為例，以前做車房、賣生果賣菜賣肉的地方，變成小 SOHO！繼爹核士街、厚和街之後，隨着堅尼地城站即將啟用，科士街都變身了！以前街坊小店做老爸老媽生意，幾十蚊買晒成餐餸，而家落到去同你講英文，幾 十蚊買得杯星巴克咖啡，真係嚇鬼死佢哋！民生區的基數低，幾百萬都可以買到街舖，增值翻一翻亦比較容易。
早幾年受惠於 SSD 政策，舖位炒到過晒籠...
近日零售氣氛轉淡，商舖租金、售價均有下調，造就尋寶機會，邊區值得留意？星期四免費講座 Laura 再跟大家分享。
★1% (FCI) 廣告時間 - 免費地產投資。實戰講座！★
講者：Laura...十多年經驗商舖天后！
題目：街舖、樓上舖、商場舖比拼，商舖變身翻倍秘技！
政局混亂，筍盤劈價？如何撈底？日期：6/11（四）7~10pm
地點：彌敦道 233 號佐敦薈商場 706 號鋪
留位：65330710-Cola、60980107-Icy（歡迎 Whatsapp）
About ME...
Facebook 群組：投資兵團、投資兵團遊樂團
Anthony Facebook：www.facebook.com/anthony.chung.is
第一桶金 Facebook：www.facebook.com/anthony.wealth第一桶金 Blog：http://anthony_chung_is.mysinablog.com
NEW！第一桶金信箱
如有關於物業的問題，歡迎到我的 Facebook，PM 給我！
1) 如果我識答，2) 如果不涉及太多課程內容，將盡量回覆。免責聲明：本文純粹筆者個人意見，沒有促銷物業意圖。本人盡力確保資料正確，但不保證完全無誤，讀者須親身求證，參閱相關資料及售樓說明書，若有任何損失本人概不負責。
沒有留言:
張貼留言