讀者問題：「買二手樓，會有漏水問題嗎？」

經常有讀者問題：「買二手樓，會有漏水問題嗎？」
回覆讀者：「放心，唔使驚，一定漏！」
老老實實，廿幾三十年樓，日日風吹兩打，點會冇破損？不過只要識得處理，漏水有幾大件事？今次分享其中一種漏水情況－窗邊漏水！



窗邊係其中一個最易漏水的地方...
嚴重的情況是...以前筆者有個臨海單位，向西北，打風落雨時，雨水從窗邊湧進來，倒水咁倒，成張床濕晒，直頭要搵毛巾塞住窗邊。不太嚴重的情況是...窗邊的牆身有水漬，油漆、牆身剝落。

如何處理？要換窗嗎？當然不用！
一般來說，是因為窗的膠邊老化，只要換上新的膠邊，重新打過玻璃膠，單位內的牆身，有水漬、有剝落處就剷底、補牆、髹油，單位外的牆身，窗邊位置髹一層防漏油，搞掂！幾錢？視乎功夫多少而定，通常一、兩千埋單，可以頂一、兩年。

戰友 Cola 的單位，大房、細房、廳的窗都漏水...
如果要幾幅窗都做補漏、補牆身，大約需要三、四千元。加上買回來的時候，Cola 已經唔係好鍾意上手淨落呢隻綠色窗框，窗花更加係阻住晒個煙花海景，於是把心一橫，換窗！



一係唔換，一換就梗換埋觀景玻璃窗啦...
成本方面係會貴少少，因為咁大塊玻璃，必須要做強化，如果冇乜景就冇所謂啦，之但係如果有靚景，就唔好慳呢少少囉，換番個觀景玻璃窗，將靚景引入屋內，單位都會升值。一般窗框係銀色，不過其實乜色都有，好多人會揀白色，但係呢期我哋鍾意玩黑色...

換晒大房、細房、客廳三幅窗...
加埋搭棚、拆掤、補牆身、髹油...成本才兩萬！平均每幅窗才五、六千元而已，成個單位即刻唔同晒，點解？因為有呢個景囉！


裝修王 X cMoneyHome 廣告時間
★★ 裝修速成班！慳錢大作戰！★★
唔夠半年已開 10 班，超過數百人參加！

網上登記及詳情 : http://bit.ly/1c3IfZP
1) 門鎖壞咗點算？...師傅上門要 $600，10 分鐘學識！
2) 鑽牆、髹油話咁易？...師傅每工 $1000，半粒鐘學識！
3) 建材其實好平？...捐窿捐罅買平嘢，幾百蚊學識慳幾千！
4) 裝修公司點出古惑？...幾百蚊學識睇報價唔使俾人呃幾萬！
5) 一手樓點驗？二手樓點驗？化妝樓點分？漏水點搞？...
更多更多精彩裝修實戰課題，即場分享示範！...