冇眼睇！「佔中」沒終點

返咗大陸兩日，估唔到發生咁多事！
朋友問：乜搞到咁大鑊？冇得傾咩？
筆者答：唔係冇...只係大家冇心傾！雖然唔想接受，但係冇辦法，事實係...香港是中國一部份！
兩個人一起生活，要互相諒解；談判要成功，就要雙贏！
大陸政府怕甚麼？...
區區一個香港算甚麼？誰做特首、派多少福利、建多少公屋...對中央政府有影響嗎？中央最怕是...香港與中央對抗，變成反共基地，動搖共產黨統治！如果你是國家主席，敢賭嗎？
佔中人士要甚麼？...
正正是中央死穴！沒有篩選...選個長毛出來怎辦？
試 想像...長毛到北京述職時，高舉平反六四、結束一黨專政横額，全世界記者影到，你叫中央點？拉唔拉你好？如果香港能夠提出一個方案，沒有篩選的同時，確 保不反共，不動搖中央統治，相信中央願意傾。泛民議員、佔中三子，都是有識之士，難道看不到？還是明知故亂，利用學生、市民爭取政治籌碼？

朋友問：乜搞到咁大鑊？邊個責任？
筆者答：不得不承認，警方策略錯誤，責任最大！施永青先生、陶傑先生都有相關分析，第一晚行動，參與學生、群眾不多，衝擊政總的更少，防暴警察？催淚彈？
電視訪問所見，很多市民原本都冇諗住出嚟，直至見到催淚彈，怒火中燒！就連一向反佔中的筆者，都想去撐場！第二日先搵談判專家，乜唔係認該先談判，冇偈傾先用催淚彈咩？

朋友問：乜搞到咁大鑊？政府應該點收科？
筆者答：唔做嘢好過做！台 灣朋友說，之前台灣亦有學生佔領總統府事件，政府釋出善意，時間久了，反對派不得民心，學生就散去！重點來了...民心！香港政府一開始就催淚彈，死得 啦！佔中...咪尤鬼得佢佔囉！過得幾日，個個返唔到工，返唔到學，舖頭做唔到生意，沉默大多數就會走出來，得不到市民支持，自然就要散場。
朋友問：乜搞到咁大鑊？中央政府要點收科？
筆者答：釋出善意，明確解釋，坐低再傾！邀請各界人士及傳媒，清楚講出中央困難，然後交俾香港有識之士，構思一個既有公民提名，又確保不反共的方案。中學有校長、校監；英國有首相、女皇，能否雙軌並行？約法三章？不過事實可能是...泛民根本唔係想有結果，只是想有激烈過程，有記者、有選票！
朋友問：乜搞到咁大鑊？香港人應該收科？
筆者答：理性解決事件，認真學習民主！全港市民都在討論，反佔中的朋友飽受攻擊，甚麼為利益埋沒良心，未夠班談政治等等惡評，不堪入目！
心痛！深切體會香港缺乏公民教育！
自由...就是阿水都可以表達自己意見，沒有夠唔夠班！民主...就是阿茂都可以按有自己的選擇，爭取自由民主，基本概念就是要尊重他人意願，唔同意...就話人埋沒良心，唔啱聽...就話人唔夠班，唔同路...就攻擊謾罵 Unfriend！
這是民主嗎，是獨裁啊！
教育部門責無旁貸！
不要只怪責政棍利用學生、利用市民，政棍固然無恥！
唔識嘛...俾人利用，正常！
教育部門請先問問自己，過去幾十年，有沒有公民教育？有沒有民主課？如果筆者不是有修讀世界史、中國史，根本就沒有機會認識民主自由，民主自由...應該是通識必修課！

今天拜讀民主先鋒杜葉鍚恩的文章，佩服！
【杜葉錫恩: 痛斥「民主派」假民主】10/17/2013
http://www.ipchk.org/38364245153569638988/181
佔中人士已經嚴重影響全香港的正常生活了！
期望再過幾天，有更多市民走到街上，對佔中表達不滿！
否則，佔中沒終點，冇眼睇！