200 呎？300 呎？住細單位好慘咩？

200 呎？300 呎？住細單位好慘咩？不久前接受香港電台「e 線金融網」訪問，分享對「嵐山」的睇法，多謝主持葳葳讚賞說...兩年前認識我哋，當時幾乎所有受訪嘉賓都話樓價會跌，淨係得我哋話細單位會升...自從 BSD 之後，新樓盤細則越開越多，報章傳媒經常大字標題，甚麼細過劏房、港人悲哀...其實有乜咁慘？

幾年前未有 BSD，人民幣衝擊樓市...
新 樓盤幾乎全部都以大單位主打，例如大圍站上蓋的「名城」總數四千幾伙，最細都八百幾呎建築，市場上個個都話大單位罕有，升值潛力遠高於細單位云云。當時我 們的投資兵團，已集中火力攻細單位，理由有很多，慢慢再分享。由大屋苑「金獅花園」、「得寶花園」、「淘大花園」、「荃灣中心」等，到各區的單幢樓都買， 個個賺到開巷。這是樓價上升的必然趨勢，越來越多人買唔起，就要買細啲，聽前輩說...八十年代，利息高，供樓負擔重，啲樓咪又係豆潤咁細，再加上 BSD、壓力測試推波助瀾，細價樓直頭發咗顛！發展商見大單位唔掂，細單位好賣，咪就喪起細單位囉，呢啲唔係政府想見到架咩？

用家...有乜咁慘？日本樓都係咁架啦！
點咁解買日本樓就覺得好型，買香港樓就覺得好慘呢？
今 時唔同往日，大家庭？三代同堂？唔興架啦！後生仔女未畢業已經想自己搬出嚟住，追求獨立生活空間，佢哋平時响屋企，都係自己匿埋响間房度唔出嚟架啦，應該 唔會唔習慣！一個人住開放式有咩問題呢？兩個人住一房又有咩問題呢？身邊唔少朋友，對住的要求不高，只是一個放工回家休息的地方，根本就唔想花咁多錢，有 錢留番嚟吃喝玩樂好過。亦有好多人因為住得遠，為咗方便返工，在市區租個套房，慳車錢、慳時間，想住大啲，就行遠啲，機會成本而已！點呀？大單位又話買唔 起，細單位又話屈質，想點？不如起 1000 呎單位，收 200 呎價錢好唔好？

投資者...有乜咁慘？這是一個財富轉移的機會！
以 前有錢人買大屋，小市民買細屋，大屋升得快，富者越富，今時今日形勢逆轉，大屋唔單止升得慢，有啲仲要倒跌添！細屋就升到膨膨聲，一來一回，大家財富拉 近，唔係更好咩？細單位業主賺到錢，可以用更平的價錢向上流、住好啲，正啦！像筆者這些基層出身的，就是要捕捉一些財富轉移的機會，如果只能以大市同步， 只是隨波逐流而已，必須要跑贏大市，才能向上流啊！

無殼族...捱貴租、捱貴樓，堅慘！
冇辦法，這就是資產的力量！兩個同事，同樣打份工，同樣搵兩萬，同事 A 就攞去吃喝玩樂，供車買靚錶，活在當下，享受生活，他的生活就靠一份人工來維持！同事 B 就死慳死抵儲錢買樓，他的生活除了靠一份工，還有一層樓，一份租金收入！當經濟好轉...
A 受惠 (1) 人工漲了；
B 受惠 (1) 人工漲了 + (2) 資產升了 + (3) 租金升了；
一個打三個，財富差距越來越大是正常的事！

BSD 等辣招一日唔撤，樓價一日唔大跌，細單位都係主流！
當細單位供應越來越多，買二手樓投資就要有相應策略...
星期五講座再與各位分享...
1% (FCI) 廣告時間 - 免費地產投資。實戰講座！講者：本人！「樓。轉命運」「上車買樓」作者 1% Anthony
題目：住宅市場攻略，投資者買賣技巧、揀爆升樓策略！
日期：8/8（五，今晚）7~10pm
地點：彌敦道 233 號佐敦薈商場 706 號鋪
留位：51149424-何小姐、60980107-林小姐
About ME...
Facebook 群組：投資兵團、投資兵團遊樂團
Anthony Facebook：www.facebook.com/anthony.chung.is
第一桶金 Facebook：www.facebook.com/anthony.wealth第一桶金 Blog：http://anthony_chung_is.mysinablog.com
NEW！第一桶金信箱
如有關於物業的問題，歡迎到我的 Facebook，PM 給我！
1) 如果我識答，2) 如果不涉及太多課程內容，將盡量回覆。免責聲明：本文純粹筆者個人意見，沒有促銷物業意圖。本人盡力確保資料正確，但不保證完全無誤，讀者須親身求證，參閱相關資料及售樓說明書，若有任何損失本人概不負責。