要乜冇乜，啲人去晒邊？

最近香港好似...要乜冇乜！
要曲奇冇曲奇，要關愛座冇關愛座，要地冇地，要樓冇樓...
牌費到期，安排驗車，致電相熟車房老闆華哥安排...冇位！
「乜咁遲架？而家要預早半個月排期架，最好一個月前啦！」「半個月？唔係化？！以前明明早幾日就得！」
「冇計...車房冇人手，驗車中心又冇人手！」
「到底啲人去晒邊？」


十幾年前認識華哥...
當時他在土瓜灣「十三街」有兩間舖，每間舖有兩個維修技師，自己好少出手，教吓伙記，同客人飲吓茶，吹吓水，放假就成班二手車界老闆上「觀瀾」打吓 Golf，不知幾寫意。

今日淨番一間舖，一位技師，自己落手落腳做埋一份！
點解？絕 對唔係無生意，做咗幾十年，大把熟客，淨係做驗車，每日做兩、三架，已經夠洗夠食唔使愁。問題係...有生意都做唔切！伙記走吓一個，走吓又一個，年青人 唔願入行。「以前七、八千就請到，而家萬四、五都請唔到！就算請到，做幾個月又話走，好多行家都越做越細，幾間舖變做一間舖，甚至 One Man Bank！如果過多幾年都係咁，我都唔做啦，退休啦！」

我們都慨嘆：「到底啲人去晒邊？」當然很多人會說，冇人手咪加人工囉，加一倍、兩倍，總會有人做！首先，加人工都要合理架，有乜理由新入行乜都唔識，都要俾到萬幾兩萬？咁成本要幾多？消費者係咪肯俾？當成本瘋狂增加，消費者又唔肯俾，咁會發生乜事？據以前在美容界的經驗，兩種情況...
一）頂唔順的...執笠！
二）要頂得順...劏客！
華哥說現在很多車房，都行呢條路，唔識人？死梗！
我們又慨嘆：「加人工都未必得架！」
好似裝修、建造業的師傅，加到千幾、兩千一工，月入三、四萬都請唔到人！問過很多年青人，答案是：「唔想咁辛苦！」自從自由行、人民幣攻陷香港之後，一切都已經改變！乜鬼香港精神，一早就冇晒啦！積極的一群，會諗點樣搵快錢，如何在大陸客、豪客身上大賺一筆！消極的一群，會諗做人唔應該咁辛苦，唔應該只講錢！不如攞公屋、攞綜援、唔使做、享受生活！所以很多體力勞動工作，例如汽車維修、裝修建築，超高人工都冇人做，反正有最低工資，舒舒服服做保安，做售貨員，都搵萬幾、兩萬，夠玩夠食，點解要咁辛苦呢？

每個人都有自己的選擇，總之唔係殺人放火！
但係唔好大叫冇機會向上流，機會多的是，冇人要啫！
筆者都算係積極一群，不過衰唔夠恨心，唔識劏客，所以之前搞美容院都做得唔好，唯有投資磚頭搶奪財富！

1% (FCI) 廣告時間 - 免費地產投資。實戰講座！題目：1% 投資價團最新住宅工商舖投資策略
　　　小本出擊，商舖變身，租金、售價倍翻秘技！
講者：商舖天后 Laura
日期：4/9（四）7~10pm
地點：彌敦道 233 號佐敦薈商場 706 號鋪
留位：51149424-何小姐、60980107-林小姐
1% 廣告時間 - 懶人投資，增值收息。免費講座！講者：Anson Lam - 金融界得獎分析團隊
題目：重組投資組合，進擊低風險、高回報基金！
　　　基金表現參差，去年最差跌三成，最高升六成，點揀？日期：5/9（五）7~10pm
地點：彌敦道 233 號佐敦薈商場 706 號鋪
留位：51149424-何小姐、60980107-林小姐About ME...
Facebook 群組：投資兵團、投資兵團遊樂團
Anthony Facebook：www.facebook.com/anthony.chung.is
第一桶金 Facebook：www.facebook.com/anthony.wealth第一桶金 Blog：http://anthony_chung_is.mysinablog.com
NEW！第一桶金信箱
如有關於物業的問題，歡迎到我的 Facebook，PM 給我！
1) 如果我識答，2) 如果不涉及太多課程內容，將盡量回覆。免責聲明：本文純粹筆者個人意見，沒有促銷物業意圖。本人盡力確保資料正確，但不保證完全無誤，讀者須親身求證，參閱相關資料及售樓說明書，若有任何損失本人概不負責。