「青年為儲首期願捱五年地盤」有乜問題？

日前有報導「青年為儲首期願捱五年地盤」...誇張！
昨天有傳媒人評論「首期常有 26 歲不常有」...害死人！
話說建造業訓練局招生，有位 26 歲，月入 $1.3 萬的斜坡檢查員來應徵，學成之後期望月入 $2 萬至 $2.5 萬，並期望做五年就可以儲夠首期買樓，原本是一個勵志的故事，傳媒神筆一揮，變成「年青人為買樓捱得好辛苦」的故事，傳媒人「曾志豪」跟進評論仲離譜，講到係「年青人為咗儲首期放棄理想」，犧牲「最寶貴的五年」儲首期多愚昧，應該「任性、尋找理想、不計較現實回報」的闖一番！真係害死人！...睇清楚先落筆，諗清楚先評論丫！

放棄理想？犠性黃金五年捱一份沒有興趣的工作？
曾 生...你點知人冇興趣呢？當事人現職斜坡檢查員，都係工程人員啫，唔通你的理想是檢查斜坡？加入建造業對當事人來說，可能已經是一大進步，工作更多元 化、更有趣味，收入亦更豐厚，莫講札鐵，即使裝修的油漆、泥水、木工，日薪都已經過千，1% Anthony 經常要裝修，睇住師傅的報價單，絕對了解行情，搵兩、三萬真係唔難，再加上現在建造業人手短缺，大把機會上位，甚至自己接生意、做老闆，咁叫冇理想咩？點 先叫有理想呀？參加「超級巨聲」先叫理想？就是這些古老的思想，令到年青人不願入行，近年筆者多參與，直頭覺得好玩！下個星期我哋又同大班同學上深圳買建 材啦...
每個人只有一次 26 歲？應該任性、尋找理想？
曾生又說...每個人也只有一次年少輕狂...又是古老、害死人的思想！除非你的理想是做運動員，或者做歌星，否則沒有必要廿多歲就孤注一擲，你憑甚麼講理想？大部份理想都是要資本、要經驗的，例如你想開餐廳，想開美容院，一讀完書就出來拼？冇錢、冇經驗，點做？蝕死你都未天光！
過了三字頭，你便會變得世故、計較、保守、安穩？
曾生又說...身邊的朋友誰過了三字頭還奢談「興趣」便等於在沙漠中只肯飲巴黎有氣礦泉水一樣，找死。唔使審佢身邊的朋友，一定係不擅理財的窮忙族！作為過來人，筆者的理解完全相反，趁年青計劃好儲蓄、買樓，到了三、四十歲的時候，應該已經有幾層樓收租了，有資產、有現金流、有閒錢、有閒情，唔返工都餓唔死，現在來追尋理想也不遲，正如筆者一樣，開足球館、美容院、酒吧、教學中心...有興趣就做呀！即使蝕些少錢也不入肉，如果年青的時候，沒有經濟基礎的時候去做，蝕兩個月已經要走佬啦！不擅理財的，確實過了三字頭就冇理想，擅理財的，過了三字頭才是黃金時期！
1% (FCI) 廣告時間 - 免費地產投資。實戰講座！講者：本人！「樓。轉命運」「上車買樓」作者 1% Anthony
題目：住宅市場攻略，投資者買賣技巧、揀爆升樓策略！
日期：8/8（五）7~10pm
地點：彌敦道 233 號佐敦薈商場 706 號鋪
留位：51149424-何小姐、60980107-林小姐
About ME...
Facebook 群組：投資兵團、投資兵團遊樂團
Anthony Facebook：www.facebook.com/anthony.chung.is
第一桶金 Facebook：www.facebook.com/anthony.wealth第一桶金 Blog：http://anthony_chung_is.mysinablog.com
NEW！第一桶金信箱
如有關於物業的問題，歡迎到我的 Facebook，PM 給我！
1) 如果我識答，2) 如果不涉及太多課程內容，將盡量回覆。免責聲明：本文純粹筆者個人意見，沒有促銷物業意圖。本人盡力確保資料正確，但不保證完全無誤，讀者須親身求證，參閱相關資料及售樓說明書，若有任何損失本人概不負責。