2015 年樓市升定跌？有乜值得投資？

記者朋友問：「你睇 2015 年樓市升定跌？」
影響樓價因素很多，學者、專家都喜歡用宏觀因素、數據分析，例如政府政策、利率走勢、經濟表現等等，然而經過多年實戰，筆者開始覺得所謂宏觀因素、數據，都係講多，最後還是市場定輸贏！樓價是升是跌，最重要還是...業主與買家的角力！
正如前文所說，2014 年初，風平浪靜，卻全城看淡！
下半年佔中爆發，跌咗兩個星期就掉頭回升，創埋新高！
甚麼因素？甚麼數據？...市場完全唔跟！點分析？點捉？
點解會發生呢種情況？...多得政府、政客！政府、政客...以為只要打擊炒風，就可以遏抑樓價，誰知 SSD 令全城缺盤，樓價不跌反升。可惜他們仍然冥頑不靈，繼續加辣，嚴重扭曲市場，出現恐慌性搶盤，越升越急，中原城市領先指數更突破 130！

2015 樓市升定跌？宏觀因素看...應該要跌！
外圍...油價割喉急跌，環球市場動盪，大陸增長放緩；
內在...中港矛盾、內部矛盾日深，看不到增長的動力。
但係咁係咪就一定會跌呢？宏觀因素、數據看不清，講...都係扮野！
樓價升跌，主要看...業主與買家的角力，單對單的比試！
年初，買家心態強，業主劈價投降！...跌！
下半年，業主心態強，買家把持不定，盲目追價！...升！
為 甚麼佔中爆發，業主心態仍然那麼強？很簡單...政策扭曲，冇供應！當你看見佔中，擔心香港前途，準備放盤之際，赫然發現全間代理行得兩條鎖匙，你還會劈 價賣樓嗎？幾時先會轉向？專家、學者都聚焦於供應，筆者認為不太重要！2013 年到 2014 年中整整 18 個月，供應有增加嗎？只要外圍不利消息浪接浪，最重要是專家齊齊唱淡，傳媒不要再執意搜挖高價成交誤導讀者，讓低價成交曝光，羊群就會跟著叫...跌！就 有轉機，密切留意！

踏入 2015 年，甚麼物業值得投資？
去年年初，筆者力排眾議撐細價樓，今年策略有變！
受政府政策扭曲，全城資金湧入細價樓！
上車族...首期唔夠，人工唔夠，不敵壓力測試，被迫買細。
投資者...見中高價樓跑輸，租金回報低，紛紛換貨細價樓。
業主...見咁多人爭，吊高來賣。
種 種原因令細價樓成為升市火車頭，加上全城缺盤，偏遠地區...如馬鞍山等，直迫市區價！垃圾樓...如旺角二線街，三十多年殘舊單幢樓，呎價貴過新樓！只 要面積細、銀碼細，通通開天殺價，呎價萬多元。最難以理解的是...買家竟然肯追！筆者認為大部份細價樓已升過龍，溢價甚高，根本唔值！反而中價樓投資價 值更高！

除了住宅以外，筆者認為工商舖更值得留意！
自從年初推出三辣招，工商舖市場死寂，資金回流住宅，敗筆！雖然住宅升到顛，全年工商舖市場冇乜升過，工廈、商廈的流轉慢了很多，商舖市場甚至出現調整。隨着住宅價格急升，投資價值下跌，資金有機會再回流工商舖，當然投資工商舖，需要更多的資金與經驗！
★ 1% (FCI) 廣告時間 - 地產投資實戰。免費講座！★
講者：本人。1% Anthony
題目：住宅投資攻略！投資者買賣、財技、揀爆升樓秘技！
　　　買樓唔一定要住，但一定要賺錢！
日期：19/12（五）7~10pm
地點：彌敦道 233 號佐敦薈商場 706 號鋪
留位：65330710-Cola、60980107-Icy（歡迎 Whatsapp）
About ME...
Facebook 群組：投資兵團、投資兵團遊樂團第一桶金 Facebook：www.facebook.com/anthony.wealthAnthony Facebook：www.facebook.com/anthony.chung.is
第一桶金 Blog：http://anthony_chung_is.mysinablog.com
NEW！第一桶金信箱
如有關於物業的問題，歡迎到我的 Facebook，PM 給我！
1) 如果我識答，2) 如果不涉及太多課程內容，將盡量回覆。免責聲明：本文純粹筆者個人意見，沒有促銷物業意圖。本人盡力確保資料正確，但不保證完全無誤，讀者須親身求證，參閱相關資料及售樓說明書，若有任何損失本人概不負責。