關於樓市分析、物業投資的訪問做得多，講裝修的比較少...
晴報訪問上星期五刊出，分享慳錢裝修的小貼士...
買樓收租，筆者通常只會用三、四萬化妝翻新！
化
妝嘛...顧名思義，就是表面功夫。首先揀樓的時候，就得揀一些底子不太差，廚房、廁所、天地牆沒有太大損毁的物業，殘舊唔緊要，最緊要唔好爛！現在裝修
師傅短缺，日薪 $1200
都請唔到人，適當地減省工序，絕對是慳錢的重點！例如浴室全剷重做，一般要三萬多元，還要花上個多月時間，收少個多月租！如果只是翻新佈置，幾天就完成，
六、七千就搞定，慳錢又慳時間！
慳錢...唔代表樣衰！一樣要有型！
租樓想租個好價錢，裝修非常重要，唔需要豪華，唔需要金碧輝煌，但必須要乾淨企理，有型有格！例如牆身，筆者會盡量減少使用牆紙，免得將來保養成本高。筆者盡量會用油漆，用不同色彩，拼湊出獨特主題個性。即使同一隻顏色，筆者亦會用不同深淺，拼湊出更強的立體感。
花錢...徹低裝修，要花得有價值！
筆者喜歡玩裝修，如果可以買平幾十萬，多殘舊也不怕！徹底裝修...以一個三百多呎的單位為例，大約 $20 萬左右已經很好用了！
甚麼是增值？就係唔夠好，先有得增值！
增值...是物業投資上一個很重要的概念！
很多朋友喜歡買新樓，貪佢唔使煩，唔使裝修維修，首先當然要付出比較高昂的樓價，其次發展商交給你的時候條件已經很好，如何再提升價值呢？筆者則喜歡揀舊樓，享受那種摧毀重來的感覺。就是因為他們不夠完美，才有增值賺錢的空間。
裝修王 X cMoneyHome 之裝修速成班！第 15 班
第 1 堂 - 格價 + 換鎖修補篇
日期：2015 年 3 月 7 日（星期六）
時間：下午 2:30~5:30pm @ 佐敦教室
第 2 堂 - 驗樓 + 空間大變身
日期：2015 年 3 月 10 日（星期四）
時間：下午 7:00~10:00pm @ 油麻地教室
報名及詳情：http://bit.ly/1c3IfZP
費用：兩堂共 $1,388（早到鳥 $1,180）額滿即止！
查詢：Whatsapp：61815815
第一堂 : 格價 + 換鎖修補篇
1) 門鎖壞咗點算？師傅上門要 $500，10 分鐘學識！
2) 建材要靚又要平！捐窿捐罅買平嘢，幾百蚊學識慳幾萬！
3) 天花、牆身點裝修？牆紙定髹油？地板鋪木定鋪磚？
4) 大門、鐵閘點揀最抵？廳房、廚房、廁所有乜嘢要注意？
5) 鑽牆、裝層架！搵師傅幾百蚊，15分鐘學識！
6) 髹油！每工千幾銀，剷底補灰髹油，少少嘢不如自已搞！
7) 「傢俬、電器」邊度搵？二手傢電平靚正，免費都有！
8) 本地、深圳買料熱點推介，買賣、送貨、保養大解構！
更多更多精彩裝修實戰課題，即場分享示範！
識得買料，又慳錢又有型！
第二堂 : 驗樓 + 空間大改做篇
1) 裝修公司古惑？...幾百蚊學識睇報價，唔使俾人呃幾萬！
2) 一手樓點驗？…識得驗發展商幫你換靚嘢，隨時賺幾萬！
3) 二手樓點驗？租樓又點驗？漏水點搞？水喉電線換唔換？
4) 空間大改造！…用盡空間，兩三百呎間三房？租值爆升！
5) 廚廁廳房空間大改做！入牆櫃、吊櫃、地台示範及格價
6) 裝修流程及時間控制，點揀師傅？點溝通？點保障自已？
7) 炒家化妝樓！…踼爆古惑招，講價有著數！
8) 執執、化妝、全反…幾萬成本，十幾廿萬的感覺？
http://www.youtube.com/watch?v=yOe8P8Rlxx8
About ME...
Facebook 群組：投資兵團、投資兵團遊樂團
第一桶金 Facebook：www.facebook.com/anthony.wealth
第一桶金 Blog：http://anthony_chung_is.mysinablog.com
NEW！第一桶金信箱
如有關於物業的問題，歡迎到我的 Facebook，PM 給我！
1) 如果我識答，2) 如果不涉及太多課程內容，將盡量回覆。免責聲明：本文純粹筆者個人意見，沒有促銷物業意圖。本人盡力確保資料正確，但不保證完全無誤，讀者須親身求證，參閱相關資料及售樓說明書，若有任何損失本人概不負責。
最近最多人問的問題：「東環買唔買得過？」
「港珠澳大橋！」...「東涌發展喎！」...「機師空姐租！」...
身邊好多朋友平時都唔睇地產版，忽然之間對香港基建發展咁有研究，明顯係睇樓時經紀講佢知，佢又講番俾我聽，哈哈！身邊很多朋友入票，勁超額認購！主要因為呎價平、Lum Sum 平，仲有發展概念...
這個新盤...筆者不反對朋友入票！
價錢確實吸引，首批一房折實價約 $367 萬起，折實呎價 $8,571 起，而家可能會貴少少，但係好多都唔過 $10,000，睇番市場上的上車盤，山卡啦、幾十年的二手樓都賣到 $1.2、$1.3 萬，嬲嬲哋不如買新樓，人之常情！再比較同區二手盤，新鴻基新樓，貼近旁邊長實的映灣園，有著數啦！如果冇投資開物業，尤其新手上車，筆者不反對！
然而如果抱着投資角度...筆者則有保留！
先講租金...去到現場經紀一定會同你講：「好好租架！好多機師、空姐會租呢度，一房都租到萬幾...」朋友立即幻想 Cool 魔、Sam 哥，還有少女時代般的空姐，俾錢佢租樓之餘，仲得閒搵佢飲茶，日久生情...
其實同一番說話，去到東涌其他屋苑，甚至去到青衣、珀麗灣，代理都會咁講，老老實實...香港機場有幾多員工？ Cool 魔、Sam 哥、少女時代空姐又有幾多？咁啱租你個單位？
港珠澳大橋確實是一個超級項目！
然
而亦由於西部大開發，東涌未來供應量亦非常驚人，到底需求大，還是供應大？價錢係咪會不斷上升？定係另一個將軍澳、馬鞍山？每次新盤推出都是貼近二手價，
同二手爭飯食？筆者睇基建，不會單看概念，還會看供應。有些基建發展，會帶來海量供應的，例如未來的洪水橋等，都有保留。如果你是有經驗的投資者，或者
1% 投資兵團戰友，筆者認為應該會有更好的選擇。
總結來說...基建有不同影響
有
些基建，是為舊區帶來新動力，區內發展成熟，供應有限，如港島西、觀塘延線、沙中線、廣深港等，筆者會看高一線。有些基建，是建造新區，海量供應，還有公
屋、居屋項目，筆者信心不高。正如之前所說，由於開價不貴，如果揀舊樓揀唔落，冇壞！如果有經驗，情願買番市區舊樓、單幢，可塑性更高。
★ 1% 廣告時間 - 地產投資實戰。免費講座！★
講者：商舖天后 Laura
題目：商舖變身，價租倍升！小本投資攻略！
細價樓狂升，工商舖反跌，尋寶機會來臨？！
日期：29/1（四）7~10pm
留位：65330710-Cola、60980107-Icy（歡迎 Whatsapp）
About ME...
Facebook 群組：投資兵團、投資兵團遊樂團
第一桶金 Facebook：www.facebook.com/anthony.wealth第一桶金 Blog：http://anthony_chung_is.mysinablog.com
NEW！第一桶金信箱
如有關於物業的問題，歡迎到我的 Facebook，PM 給我！
1) 如果我識答，2) 如果不涉及太多課程內容，將盡量回覆。
免責聲明：本文純粹筆者個人意見，沒有促銷物業意圖。本人盡力確保資料正確，但不保證完全無誤，讀者須親身求證，參閱相關資料及售樓說明書，若有任何損失本人概不負責。
經常有朋友問：「XX 發展喎，買唔買得過？」
基建固然重要，但係都要睇 Timing 及性質...先講
Timing，正常一般基建發展都會有好幾次明顯升浪，捉唔到就反而買貴嘢！以港島西線為例...每星期筆者都會返西環老家吃飯，不同的是終於可以搭地鐵
了！港島西線通車，整整 20 年，由概念到實踐，經歷多次起落，正好來個總結...
概念期...第一次升浪
1%
Anthony
在港島西長大，兒時這裡是貧民區，樓價就如爛銅爛鐵，甚至比大西北還要低。唸中學的時候區議員已經爭取，可惜地鐵卻以使用量不高為理由，一直拖延。
2005 年筆者上車，於某個當年廿多年樓齡的小屋苑，買入兩個實用 380 多呎，兩房全海景的單位，只需 $106 萬及 $116 萬，呎價
$2,800~$2,900。上車後不久，港島西線拍板，升浪開始，不少外區人來港島西買樓。往後兩年，整體樓市冇乜升過，2005 年 10 月至
2007 年 10 月，中原城市領先指數僅由 55.71 微升至 59.36，然而筆者的物業已升至近 $200
萬，升幅近倍，把握機會加按再買樓。
等待期...第一次調整
2008 年金融海嘯，樓市急挫，港島西經過一輪急升後，亦跟隨大市調整，外圍跌了 30%，港島西跌了 15%，熱情冷卻，成交呆滯，外區買家亦消失了，彷彿忘記了港島西線工程。
施工期...第二次升浪
海
嘯過後，地鐵工程展開，報章不斷報導，大家又再想起港島西了，於是又有大量外區客來買樓，當中不乏中環上班的老外。跟隨大市展開第二次升浪，期後兩年間整
體樓市指數升了 30% 左右，筆者的物業已升到近 $300 萬，升幅約 50%，基數較低的升幅更高，又再加按買樓。
黑暗期...第二次調整
地鐵工程展開，加上重建項目，到處沙塵滾滾。經過第二輪急升，隨着 CY 上台前樓市調整，港島西亦需要消化，當時外間有很多聲音質疑，港島西炒過籠、冇理由貴過已經有地鐵的地區如北角等，筆者寫 Blog 時，亦保守地將通車後的目標價，定為稍低於鰂魚涌。
當時筆者與 1% 投資兵團戰友買入兩個位於堅尼地城的地舖
雖
然有 Soho
式食肆進駐，然而由於到處沙塵滾滾，人流減少，吉舖亦很多！記得前年其中一個舖位，租戶離開後，吉了半年！！我們希望將舖位租予食肆，等極都等唔到，曾經
有些時街坊時裝店洽商，租金殺到仲平過之前，仲要一簽簽幾年，間舖仲邊值錢？谷鬼氣咪索性丟空囉！有投資朋友稱之為「黑暗期」，基建落成前一兩年經常出
現，只要心理質素高，絕對是殺價尋寶的絕佳時機！
實現期...第三次升浪
毋
須多說，過去一年，到處都是港島西線通車的新聞，昔日的貧民區頓時成為全港焦點，樓價再次急升，筆者的單位已升至 $450
萬，普遍租值、樓價不但超越了北角，甚至挑戰鰂魚涌、灣仔。至於堅尼地城兩個舖位，其中一個去年以高於買入價 70%
賣出，前後不到兩年。另外一個持貨至今，丟空半年後終於租予串燒店，租金由 $1.6 萬升至 $3.8 萬，當年買入價 $860
萬，扣除按揭，投資成本 $500 多萬，現時市值近 $1,800 萬，收成在即。
總結...基建由概念到落實，會經過幾次起跌！
概
念期、施工期、實現期...有三次明顯的升浪，概念期買入，當然賺得最多，但等候的時間亦相對較長。想更快有回報，可以考慮在施工期、黑暗期進場，賺少
啲、等少啲！以西環為例，住宅已經好貴啦，未必適合高追，搵到低水盤另計；商舖會隨着新樓落成，更多高消費群進駐而受惠，區內很多商舖仍未轉型，空間不
俗。香港每年都有新基建項目，值得留意，尤其工商舖，2014 冇乜升過！甚至有啲仲跌咗，正好尋寶！1% 投資兵團亦正在瞄準新的機會，講座再分享。
★ 1% 廣告時間 - 地產投資實戰。免費講座！★
講者：商舖天后 Laura
題目：商舖變身，價租倍升！小本投資攻略！
細價樓狂升，工商舖反跌，尋寶機會來臨？！
日期：29/1（四）7~10pm
留位：65330710-Cola、60980107-Icy（歡迎 Whatsapp）
About ME...
Facebook 群組：投資兵團、投資兵團遊樂團
第一桶金 Facebook：www.facebook.com/anthony.wealth第一桶金 Blog：http://anthony_chung_is.mysinablog.com
NEW！第一桶金信箱
如有關於物業的問題，歡迎到我的 Facebook，PM 給我！
1) 如果我識答，2) 如果不涉及太多課程內容，將盡量回覆。
免責聲明：本文純粹筆者個人意見，沒有促銷物業意圖。本人盡力確保資料正確，但不保證完全無誤，讀者須親身求證，參閱相關資料及售樓說明書，若有任何損失本人概不負責。
讀者來信：版主你好！一直有留意你的文章，獲益良多！最近看見你轉口風，不知道是否該這樣形容，說很多細價樓溢價太高，不
值得投資。想問如何劃分甚麼是細價樓？價錢每天都在變，好像四百多萬亦被稱為細價樓了！樓價多少才算中價樓？大價樓呢？如果細價樓溢價高，那麼大價樓值得
投資嗎？by Damon
回覆讀者來信
說的對！市場不斷轉變，標準亦不斷轉變！
不同人對細、中、大價樓有不同理解，例如滔哥、湯博士等億萬富豪，可能 $1,000 萬以下已經是細價樓，上億的才算是大價樓。然而對於一般人來說，市場、傳媒最流行以按揭成數來分。
根據金管局指引...
細價樓標準...九成按揭！（貸款上限：$360 萬）
。即是只有 $400 萬以內的物業才可以借盡 90%
。主要對象為上車族及小投資者
一
般打工仔...如果唔係投資有道，或者父母關照，無端端點會攞到幾百萬首期出嚟？90% 按揭是上車族的希望，亦是細價樓重要指標。選擇包括一般
20、30 年以上的屋苑、單幢樓，開放式至兩房單位。筆者是一位投資者，要計算回報，我會將標準定於 $350
萬以下，假設三年後升兩成，下手仍然可以做 80% 以上按揭。
中價樓標準...六成按揭！（貸款上限：500萬）
。換句話說只有 $833 萬以下的物業才可以借盡 60%
。亦有朋友以七成按揭做標準，由於貸款上限是 $420 萬
。只有 $600 萬以內的單位少可以做到
。主要對象為換樓客、中產人士
總
結...$400 萬以上，$800 萬以下都屬於這個級別，以一個 $800 的單位來說，借盡 $480 萬，首期要 $320
萬，一般打工仔難以負擔，然而若早幾年買入細價樓，樓價升了一大截，再加上積蓄就買得到。屬於換樓水平。選擇範圍包括近年落成的新式屋苑、單幢，開放式至
三房間格。由於細價樓越搶越瘋，很多醒目投資者轉戰中價樓。
大價樓標準...五成按揭！
。$1000 萬以上只能借 50% 按揭
。首期 $500 萬...非一般打工仔可以負擔
即使小投資者亦要賣幾層樓先買得到，犠牲甚大，筆者會視之為大價樓。各有前因莫羡人，業主可能是生意人，可能是資深投資者，可能是賺錢能力極高的專業人士，總都都是非等閒之輩。由於有能力買的人不多，流通量相對較低，在今次的升浪中升幅不多。是否值得投資？見人見致！對筆者來說，只能借 50%，槓桿不高，租金回報低，防守力較弱，最重要是容易受政策影響，沒有人民幣撐腰，值搏率不高。
同樣預算...筆者情願選擇商舖！
正當報章傳媒高呼樓市瘋狂，受制於自由行旅客減少，商舖租金、價格不升反跌，尤其一線舖位。同期很多二線舖位，受惠於社區重建、基建發展，租金、價格倍數上升，千多萬甚至數百萬已經有交易，更有投資價值，最重要是可以用公司名義持有，幾個朋友合股，當生意咁做，投資成本更具彈性，如果學會值技巧，回報更高！★ 1% 廣告時間 - 地產投資實戰。免費講座！★
講者：商舖天后 Laura
題目：商舖變身，價租倍升！小本投資攻略！
細價樓狂升，工商舖反跌，尋寶機會來臨？！
日期：29/1（四）7~10pm
留位：65330710-Cola、60980107-Icy（歡迎 Whatsapp）
About ME...
Facebook 群組：投資兵團、投資兵團遊樂團
第一桶金 Facebook：www.facebook.com/anthony.wealth第一桶金 Blog：http://anthony_chung_is.mysinablog.com
NEW！第一桶金信箱
如有關於物業的問題，歡迎到我的 Facebook，PM 給我！
1) 如果我識答，2) 如果不涉及太多課程內容，將盡量回覆。
免責聲明：本文純粹筆者個人意見，沒有促銷物業意圖。本人盡力確保資料正確，但不保證完全無誤，讀者須親身求證，參閱相關資料及售樓說明書，若有任何損失本人概不負責。
施政報告後，樓市繼續破頂！
最新中原指數報 134.64，比佔中時高出 7%！
關
於施政報告的房屋政策，不多談了，已經有 10
萬位專家發表過意見。這次升浪確實可怕，顛覆過往物業投資的重要概念，首先崩潰的是「豪宅是樓市火車頭」概念，近年升市由細價樓主導，好事！財富轉移！小
業主賺得更多，拉近貧富懸殊。然後是「Location、Location、Location」概念崩潰，由「Lum Sum、Lum Sum、Lum
Sum」取代，可悲！小市民已經失去理智，市區定交區...唔理！位置...唔理！物業質素...唔理！呎價...唔理！總之銀碼細、樓齡不太舊，易做按揭就買！做成新界呎價貴過市區，同區舊樓呎價貴過新樓，同一屋苑細單位呎價比大單位呎價高出近兩成的反常現象...
說甚麼供應不足？其實源頭是白痴的按揭政策！
前文提到，炒家被迫買細價樓，其實用家亦然！
BSD
趕絕大陸豪客，其實已經足以冷卻中高價樓市場，有必要再收緊按揭嗎？1% Anthony
身邊很多中產朋友，想買一個質素比較高的單位安居樂業，例如朋友 Kent 與太太兩個人月入近 $8 萬，想在市區的半新屋苑，買一個實用面積約
600 呎，市值 $800 萬的三房單位...
。現行制度只可借 60%（ $480 萬）首期要 $320 萬！
月供 $18,104，佔入息只有 22%！
。如可借 90%（$720 萬）首期只需要 $80 萬！
月供 $27,156，佔入息只有 34%！
朋友絕對不是甚麼投資者，只是努力工作的小家庭！
原
本租樓住，想買一個合用的自住單位，但求提高生活質素，於願足矣。然而在現有政策下，要搵 $320 萬 Cash 做首期，玩咩？！點解唔俾佢哋借
90% 呢？有乜咁高風險呢？最後他們又被迫去爭細價樓，去年趁靜市在荃灣某二線屋苑，買了一個 $4XX
萬的三房單位自住，有閒錢就多買一個細單位收租，市場上又多了兩個細價樓需求！倒過來說，只是讓一戶中產買入心儀大單位，市場就會釋放出一個，甚至兩、三
個細單位！何須到處找棕地、岩洞？！
施政報告，廢話連篇，就是聽不到資金疏導政策！
今天的瘋狂，沿於政策扭曲，按揭政策只是其中之一！
要冷卻細價樓升幅很容易...
只要疏導資金，放寬非住宅物業按揭，讓炒家、投資者回流投工商舖；放寬中高價樓按揭，讓中產用家有更多選擇。例如類似 Kent 的個案，只要沒有其他物業，有足夠供款能力，買 $1000 萬樓都借九成，相信 很多中產必定會出售細價樓套現換樓，想升都難！
拜讀湯文亮博士【細價樓升並不代表樓價升】...
非常讚成！今天各位在報章上看到的，其實只是樓市的一小部份，中高價樓升幅有限，正如湯博士提到「華懋以低市價兩成出紅山半島，其中包括津貼印花稅一成，並且用一成樓價，大約二至三百萬替新買家裝修，即是華懋是以低於七折去貨...」，細價樓業主即使賣樓「但仍然不足夠換樓，所以，很多細價樓業主情願多買一層細價樓...」，早幾天跟 King Sir 吃飯交流，講起細價樓間間估唔足價，King Sir 笑言，九龍站很多豪宅估凸價呢！
很多朋友問，樓市還有投資機會嗎？
多的是！別盲目高追細價樓就可以了！
如果資本不足，要買中細價樓，要做好功課，避開高溢價樓。如果資本比較充足，選擇更多！過去一年，中高價樓冇乜升過，工商舖甚至不升反跌，正好尋寶，只是大家沒有留意而已！
★ 1% 廣告時間 - 地產投資實戰。免費講座！★
講者：商舖天后 Laura
題目：商舖變身，價租倍升！小本投資攻略！
細價樓狂升，工商舖反跌，尋寶機會來臨？！
日期：29/1（四）7~10pm
留位：65330710-Cola、60980107-Icy（歡迎 Whatsapp）About ME...
Facebook 群組：投資兵團、投資兵團遊樂團
第一桶金 Facebook：www.facebook.com/anthony.wealth第一桶金 Blog：http://anthony_chung_is.mysinablog.com
NEW！第一桶金信箱
如有關於物業的問題，歡迎到我的 Facebook，PM 給我！
1) 如果我識答，2) 如果不涉及太多課程內容，將盡量回覆。
免責聲明：本文純粹筆者個人意見，沒有促銷物業意圖。本人盡力確保資料正確，但不保證完全無誤，讀者須親身求證，參閱相關資料及售樓說明書，若有任何損失本人概不負責。
嚇鬼報告又嚟啦！...不吃不喝 17 年才能買樓！
美國顧問公司 Demographia 發表報告，香港位列樓價最難負擔城市第一名，計算方法是...去年第三季本地家庭年入息中位數為 $28.7 萬，樓價中位數 $489.2 萬元，由 2013 年 14.9 倍上升至 2014 年 17 倍。結論是...須連續 17 年不吃不喝才能置業！...
連續 17 年不吃不喝才能置業！...冇希望啦！
滿意了吧！筆者一向討厭這些誤導性的報告！
入息中位數，家庭月入約 $2.4 萬，個人月入約 $1.3 萬，所謂連續 17 年不吃不喝，其實是以樓價除以入息中位數，是的！研究員假設你 17 年後仍然是家庭月入 $2.4 萬，個人月入 $1.3 萬！
就當你而家真係得 $1.3 萬，17 年後搵幾多先？
請留意...筆者講的不是人工升幅，唔好同我講到時入息中位數升幾多 %，樓價同樣會升幾多 %，筆者講的是上流...透過個人提升，升職、加薪、跳槽，而家做 Trainee，到時做 Manager 甚至 Director！
只要認真、努力地工作，17 年漫長歲上流好遠啦！
就算唔係公司高層，最少都係一個中層管理人丫。
以現時水平計算，就算搵唔到百萬年薪，都應該搵四、五萬啦！點會仲係基層呢？點會仲係入息中位數一份子呢？如果 17 年後仍然都係 $1.3 萬，唔該先檢討吓自己！唔會加薪？冇跳槽？你都係唔適合買樓架啦！筆者不否認部份低學歷低技術人士較難上流，可能十幾年都係响基層，咁應該去申請公屋或居屋，唔應該諗私樓。
其次，報告說的是樓價全數！
講
真，今時今日有幾多人會 Full Pay 丫，以 $300 萬樓計算，首期約 $30 萬，連同雜費約 $40 萬。以筆者公司 1% 兩位 80
後小妹的經驗，扣除自己本來就有的積蓄，只欠 $20~30 萬而已，的起心肝搏命開源節流，一、兩年就儲到返嚟，2013
年成功上車。至於之後供樓，大半係本金，只係一個儲錢計劃而已，又有幾難？
香港嘛...樓價貴是事實，居住條件比較差是事實。
筆者只想說...不是沒有希望！
★ 1% 廣告時間 - 地產投資實戰。免費講座！★
講者：法律強人 Jackie Sir
題目：買樓、賣樓、出租...陷阱大揭秘！
租霸？僭建？凶宅？...隨時損失幾十萬，點可以唔識？
中細價樓急升，其他有乜升過？有乜投資策略？
日期：22/1（四）7~10pm
地點：彌敦道 233 號佐敦薈商場 706 號鋪
留位：65330710-Cola、60980107-Icy（歡迎 Whatsapp）About ME...
Facebook 群組：投資兵團、投資兵團遊樂團
Anthony Facebook：www.facebook.com/anthony.chung.is
第一桶金 Facebook：www.facebook.com/anthony.wealth第一桶金 Blog：http://anthony_chung_is.mysinablog.com
NEW！第一桶金信箱
如有關於物業的問題，歡迎到我的 Facebook，PM 給我！
1) 如果我識答，2) 如果不涉及太多課程內容，將盡量回覆。
免責聲明：本文純粹筆者個人意見，沒有促銷物業意圖。本人盡力確保資料正確，但不保證完全無誤，讀者須親身求證，參閱相關資料及售樓說明書，若有任何損失本人概不負責。
讀者來信：版主你好，本人早年買入一個自住單位，一直想多買一層樓投資，朋友介紹認識你的 Blog，已經看了幾個月，非常有幫助，謝謝。昨天朋友說金管局又再出招收緊按揭，說甚麼調整租金收入比例，是甚麼意思，會令樓價下調嗎？
回覆讀者來信
今次政府出招，對樓市影響相信非常輕微！
內容是「租金收入原本有 80% 可計入供款收入比率，現以 70% 計算，倘沒有實際租金收入證明，以 60% 計算。」
第一，真係唔知真傻定假蠢，仲以為打擊炒家會令樓價下調？
第
一代 SSD
推出四年多，炒家全軍撤退，市場上只有實際用家及長線收租的投資者，然而樓價升幅更驚人，之前已經寫過好幾篇文章分析，例如炒家貨如輪轉見好即收，用家貨
少賺盡開價更狠；又例如炒家唔筍唔買，用家盲目追價；又例如炒家壞消息狠心出貨，用家壞消息當睇唔到等等，不贅。
第二，調整非常輕微，但可能會進一步刺激租金及細價樓！
租
金收入可以計算作個人收入，以往計八折，即收租 $10,000，計多你 $8,000 收入，以第二套房 40% 計算，可以供多 $3,200
供款，現在只計七折，即當你多 $7,000 收入，可以供多 $2,800
供款，影響非常輕微。昨天跟很多業主朋友傾過，為了補償扣減收入，有兩條橋，一，加租！以往諗住平平哋租，而家冇呢支歌仔唱，加番一成。二，買平啲！以前
諗住買多間 $400 萬，而家唯有買間 $300 萬。如果真係再谷起租金、細價樓，冤有頭債有主！
總結來說，今次出招非常輕微，對市場影響不大...
甚至可能會有反效果，進一步推高租金及中細價樓，相信政府只是想擺出姿態，告訴市民他們會密切注意樓市而已！
★ 1% 廣告時間 - 地產投資實戰。免費講座！★
講者：法律強人 Jackie Sir
題目：買樓、賣樓、出租...陷阱大揭秘！
租霸？僭建？凶宅？...隨時損失幾十萬，點可以唔識？
中細價樓急升，其他有乜升過？有乜投資策略？
日期：22/1（四）7~10pm
地點：彌敦道 233 號佐敦薈商場 706 號鋪
留位：65330710-Cola、60980107-Icy（歡迎 Whatsapp）About ME...
Facebook 群組：投資兵團、投資兵團遊樂團
Anthony Facebook：www.facebook.com/anthony.chung.is
第一桶金 Facebook：www.facebook.com/anthony.wealth第一桶金 Blog：http://anthony_chung_is.mysinablog.com
NEW！第一桶金信箱
如有關於物業的問題，歡迎到我的 Facebook，PM 給我！
1) 如果我識答，2) 如果不涉及太多課程內容，將盡量回覆。
免責聲明：本文純粹筆者個人意見，沒有促銷物業意圖。本人盡力確保資料正確，但不保證完全無誤，讀者須親身求證，參閱相關資料及售樓說明書，若有任何損失本人概不負責。
某日經過相熟地產舖，碰見相熟炒家，食 Tea 閒聊。
炒家興奮地談論最近的戰績：「早兩個月
佔中，我一口氣買咗三間筍盤，一間太子 XX 大廈，廿幾年樓，23X 萬，26X 呎；一間油麻地 XX 大廈，三十幾年樓，20X 萬，20X
呎連天台；仲有間旺角 XX 大廈，三十幾年樓，21X 萬，22X
呎...」佩服！事實上油尖旺雖然平過新界，但係類似廿幾年、三十幾年，最高可以做到 90% 按揭的物業，呎價都已經去到 $1.1 萬至 $1.3
萬，視乎位置及質素而定，炒家竟然連續買三間都在 呎價 $1 萬以下，果然係快、狠、準！然而筆者奇怪：「你都成億身家啦，點解仲買 $200
幾萬樓？」
「升得快丫嘛，賺錢邊有人嫌多？」炒家坦言：「好似我之前買五、六百萬以上嗰啲樓，升得鬼死咁慢，客路又窄，計埋賺...賣七、八百萬先有數圍，邊有咁多人買得起？呢啲細價樓，萬二、三蚊呎都大把人爭，掟出街幾日就賣到。」
「最慘就係大銀碼樓借唔到錢！」
炒家最識計買賣成本：「大銀碼樓，借得五、六成，當你 $700 萬樓計，借得 $420 萬，首期要 $280 萬！仲要做乜鬼嘢壓力測試，邊過到丫！呢啲細價樓就唔同啦，借七成、九成都仲得，搵個外甥、姪仔個名上，供幾千蚊，壓力測試話咁易就過到，最少 $20 幾萬首期搞掂，成本差好遠喎！厘印費仲離譜，第一層都要成 $26 萬幾，雙倍要俾成 $52 萬幾，買多間都得啦！」
多得政府的政策...
首
期不多、入息不高的年青人、上車族固然要搶細價樓，就連很多資深投資者，都爭埋一份。2010 年第一代 SSD
推出之後，很多投資者走去買工商舖，2013 年加辣之後，非住宅物業借得
40%，很多投資者獲利之後，又再買番住宅，仲要齊齊爭細價樓，搞到而家大銀碼樓、工商舖靜晒，中細價樓就升到顛，死未？！
重視房屋問題？重視年青人居住問題？增加供應？唔放鬆大銀碼樓、工商舖政策，起幾多限呎樓都冇用啦！
資金是要疏導的！買得大碼樓、工商舖的投資者，都唔係新手，自己識計數，唔使你幫佢計壓力測試架啦，出得嚟行，預咗要還，生死各安天命！拜託高官、政棍，唔好為辣而辣！唔好為掌聲而加辣！用腦諗吓政策會有咩後果，唔好迫投資者齊齊爭細價樓啦！這件事從正面來看...
市場底子甚厚，要大跌真係幾難！
筍盤唔係冇，只係唔夠快啫，做好功課，一樣買到！
★ 1% 廣告時間 - 地產投資實戰。免費講座！★
講者：星級投資者 King Sir
題目：如何運用按揭槓桿，一層樓變兩層樓、兩層樓變四層樓？
前年全城唱淡，準確預測細價樓跑贏，今年有何策略？
日期：16/1（五）7~10pm
地點：彌敦道 233 號佐敦薈商場 706 號鋪
留位：65330710-Cola、60980107-Icy（歡迎 Whatsapp）
About ME...
Facebook 群組：投資兵團、投資兵團遊樂團
Anthony Facebook：www.facebook.com/anthony.chung.is
第一桶金 Facebook：www.facebook.com/anthony.wealth第一桶金 Blog：http://anthony_chung_is.mysinablog.com
NEW！第一桶金信箱
如有關於物業的問題，歡迎到我的 Facebook，PM 給我！
1) 如果我識答，2) 如果不涉及太多課程內容，將盡量回覆。
免責聲明：本文純粹筆者個人意見，沒有促銷物業意圖。本人盡力確保資料正確，但不保證完全無誤，讀者須親身求證，參閱相關資料及售樓說明書，若有任何損失本人概不負責。
