工廈...200 幾萬好多！可以住嗎？

投資兵團喜歡工廈，其中一個原因是供應越來越少。
現時全港只有千多幢工廈，拆御重建之後，一係起住宅，一係起寫字樓、酒店、商場，即使保留工業用途，亦會係價錢貴幾倍的智能式甲級工廈，又或者係暖暖昧昧，住多過開工的休息工作間，日前到荃灣睇 DAN 6，果然有創意...


DAN 6 位於荃灣灰窰角街，爵悅庭對面...
雖說是工廈，賣點卻是 Home Office，給人「住」的遐想，設計時尚的智能式大廈大堂，可以 24 小時出入的管理處。室內有獨立洗手間、熱水爐、冷氣等，唔「住」齋「開工」真係嘥！



物業於 2013 年中推出...
雖 然當時的市場氣氛甚差，然而由於概念嶄新，反應非常好。當時代理的演繹是...200 多萬上車盤，唔使綁（SSD）三年，去邊度搵？買家不乏短線投資者，甚至錄得多個摸貨紀錄。當時建築呎價約 $5,000，以六成實用率計算，實用呎價逾 $8,000，與旁邊的住宅相差不遠，加上工業大廈最多只能做 40% 按揭，就沒有考慮。


當日睇咗好幾個單位...
時尚外觀、大堂、走廊、大門，這部份似住宅！
落地大窗、寬闊洗手間、水電行明線、水泥地，似商業大廈！
十多呎高的樓底，其實它是工業大廈！
其中一個單位有藍巴勒海峽全海景，非常壯麗，呎價亦較貴！




另一個單位間了複式，佈局更有心思...
由於樓底有十多呎，即使多間半層亦不覺得焗促，業主以住宅的方向設計，洗手間做了企缸，大廳做了開放式廚房，還以工字鐵搭建一個閣樓仔，作為睡房之用，樓上亦備有廁所，雖然唔算好有型，但感覺好抵！

受制於三辣招，工廈去年表現一般，冇乜升過！
幸好我們投資兵團的分拆項目，賣的是技術與經驗，從不賭運，單位分拆出售後，錄得逾 60% 的賬面利潤。然而很多沒有增值的工業大廈單位，只能原地踏步。睇完 DAN6...對工廈增值又有新的體會。
★ 1% 廣告時間 - 地產投資實戰。免費講座！★
講者：大行工商舖高層 Dooby Li
題目：工廈、商廈...改用途、補地價、長短線投資秘技！
　　　住宅升到顛，工商廈冇乜升過，係咪投資好時機？
日期：9/1（五）7~10pm
地點：彌敦道 233 號佐敦薈商場 706 號鋪
留位：65330710-Cola、60980107-Icy（歡迎 Whatsapp）
About ME...
Facebook 群組：投資兵團、投資兵團遊樂團第一桶金 Facebook：www.facebook.com/anthony.wealthAnthony Facebook：www.facebook.com/anthony.chung.is
第一桶金 Blog：http://anthony_chung_is.mysinablog.com
NEW！第一桶金信箱
如有關於物業的問題，歡迎到我的 Facebook，PM 給我！
1) 如果我識答，2) 如果不涉及太多課程內容，將盡量回覆。免責聲明：本文純粹筆者個人意見，沒有促銷物業意圖。本人盡力確保資料正確，但不保證完全無誤，讀者須親身求證，參閱相關資料及售樓說明書，若有任何損失本人概不負責。